2008生日party及內部賽 寫照

31/5/2008星期6搞左一個小型內部賽,出席同學有38位.分為8小組,當日即場抽簽,所以冇得賽前準備,最重要係每組出一個(以每組均有一個種子守門口),以個日比賽相當精彩,有些同學以壓倒性出線,有些種子差dd守唔住…更有2名種子失守,真係有d天意弄人ar!!進入最後8強有冬姑,傑仔,志頴,啓銓,軍曹,波特,煒業and紅腸(爆大冷),今次最失望就係一個BB都出唔到線,希望下次佢地加把勁la!!以8強賽事相當剌激,最精采有煒業vs傑仔, 冬姑vs志頴, 傑仔vs志頴and 冬姑vs煒業!!當中真係有好多精彩場面ar!!最後第1-冬姑, 2-煒業, 3-傑仔, 4-志頴, 5-軍曹, 6-啓銓, 7-波特, 8-紅腸!!下一次既內部賽希望提早於7月初舉行la!!球會完後一行四十多人乘坐旅游專巴前往葵興新花酒家用膳.
今年,己經係班乒域仔女第3年同我慶祝生日la!!今次有四十幾人一齊,好開心ar^^,好多謝咁多位家長抽空來參加呢個party, Thank You Very Much^^
今年收到好多禮物和利是,d禮物好有心思,但d card既內容就”行”左dd..希望大家寫多d自己既感受給我la^^,個晚我相信大家都食得好飽la!!冬姑即興演左場棟篤笑, 笑到成班high晒^^,有幾個同學玩棋(超好玩!!).有d就打機,大家玩到11:00就回家la^^.希望明年再有機會同大家一齊慶祝la^^ Thank You!!
(咁快又一年la!!過去呢一年的確好辛苦,好驚自己做得唔好,又驚同學們冇成績出來,背子越來越重,每當舉行function or 同學参加比賽時,我定必難以入睡,我可能過份緊張la!!好想每件事都做到最好!!希望今年會放開一點la!!以過去呢一年裡面球會轉變真係好大,同學們整體上己經進步了不少,不但球技提高,紀律亦有所改善!!以球會亦加入了好多有實力既新成員,最開心有一班小小新力軍殺入,令球會生色不少,以呢班BB亦非等閒之輩,令到師兄們都不禁迨慢,良性競爭才有進步.而乒域越來越出名,但人怕出名豬怕肥,是非亦相應多了不少!!希望同學們做好本份.不要比人做話柄.
以球會另一件大事就係弟弟(二隊)出世la!!希望有帶哥哥既經驗,弟弟可以健康成長la^^.我最好開心莫過於能看到大家成長,看到大家不斷的進步!!陪你們去集訓(好辛苦但好值得),和大家一同打比賽,有笑有淚!!更多謝大家一同捱過每一次難關,風雨同路.我希望我在來年會更加努力為大家,希望得到更多人既支持及應同,更希望將來同學們穿着乒域球衣去練習及比賽時,並不會覺得有失自己而是感到驕傲. 願我能做你們的名燈,照着你們走過人生的每段路!大家一起努力,再闖高峯!!)